En varias casas de Sevilla producíronse unha serie de roubos que preocupan a toda a cidade. O ladrón, ao que alcuman « Chopin» porque sempre deixa unha partitura do famoso compositor para asinar o roubo, leva diñeiro, xoias e diferentes artigos de valor. Unha noite aparece un cadáver no salón dunha desas vivendas e a tensión aumenta.

Nikolai Olejnik é un mozo polaco que chegou a España co seu avó hai varios anos. Desde que este morreu, está só e sobrevive a base de delinquir. Foi un neno prodixio no seu país e a súa maior paixón é tocar o piano. De súpeto, todo se complica e convértese no principal sospeitoso dun asasinato. Niko acode ao despacho de Celia Maio, detective privado, a pedirlle axuda e alí coñece a Triana, a filla de Celia. A moza enseguida chama a súa atención, aínda que non é o mellor momento para namorarse.

Branca Sanz apenas leva cinco meses traballando no xornal O Guadalquivir cando recibe unha estraña chamada na que lle filtran datos sobre o caso Chopin, que ninguén máis coñece. Desde ese momento obsesiónase con todo o relacionado coa investigación e tenta pescudar quen está detrás daqueles roubos.

Intriga, misterio, amor e crimes son a base desta novela ambientada nas enigmáticas rúas de Sevilla, na que o lector formará parte da investigación. Conseguirás adiviñar quen é o culpable?

3º-4º ESO

1º-2º BAC